賭王何鴻燊與四太梁安琪的兒子何猷君，自小成績優異！叻叻的他昨在社交網開心Share成功考進美國麻省理工（MIT）金融碩士課程的喜訊，揚言以破紀錄21歲之齡，成為史上最年輕考進這課程的學生。他在Instagram上載一段短片宣示這難得一刻：「今天很開心想告訴大家我考進了MIT的金融碩士課程！而且還破紀錄成為史上最年輕考進這課程的學生。」更自誇是天才，而他所穿的Tee上印有「Genius 」，並以「Certified Genius.」形容自己。他在片尾更做了球星C朗招牌入波的慶祝動作，可見是何等興奮！

猷君破紀錄以21歲之齡成為史上最年輕的金融碩士，四太梁安琪嗒得杯落！

猷君文武雙全，曾在「世界數學測試精英邀請賽」獲獎的他，亦熱愛踢足球。

四太昨日接受電話訪問時說：「佢不嬲成績OK，唔使點擔心，好勤力，鍾意嘅嘢會用心鑽研，自動波讀書。我都估唔到佢考到，佢仲後生，同埋考試嘅嘢都難講。（有咩獎勵佢？）佢獎勵我就真，我養大佢又畀錢供佢讀書，應該係佢孝敬我，呢個係佢畀我最好嘅禮物。後生真係要讀多啲書，人生路好長，讀書要把握時機。（佢係咪天才？有冇Check過佢IQ？）冇！不過佢讀書係有啲聰明，平時冇乜點補習。」而家姐何超盈亦有留言祝賀猷君，笑稱天才等於賺很多錢，可以買名貴手袋給她及其女友Kimmy。