任賢齊和梁漢文（Edmond）早前結伴到西藏拍攝旅遊真人騷，度過了兩星期極具艱辛的以物易物旅行方式，Edmond辛苦到想死，小齊更在海拔4,500米雪山做救命恩人。

Edmond（左）與小齊難得爬上雪山，立即瞓身影相留念。

戴上黑超的小齊，不介意在烈日下執牛屎。

Edmond表示每天拍十多小時辛苦得要命，更要幫忙餵羊。

辛辛苦苦拍攝有回報，Edmond（左）和小齊終於可以大吃一餐。

文：音樂組

小齊和Edmond參加電視台旅遊真人騷《價值連城》，兩星期走遍大理古城、沙溪古鎮、西藏拉薩市和香格里拉等地，每朝早上8時出發，拍到三更半夜才睡覺，他們採以物易物方式走勻全程，期間要幫當地人打工，餵羊、執牛屎，還要在藏民家中度宿。

每日行十幾粒鐘

自覺上了賊船的Edmond坦言最初四天，辛苦到黑面：「小齊問我嘢都唔想答，每日行十幾個鐘，最初適應唔到簡直有想死感覺，個人暈到連企都唔穩，我帶去啲豆豉鯪魚罐頭、按摩器，咩都攞晒出嚟換嘢，本來唔敢食嘅街邊串燒羊肉，最後咩都食落口，因為太凍喇，唔食可能會餓死，哈哈！」

Edmond最佩服小齊投入到如當地人，很有工作魄力。今次對他們來說是體能一大挑戰，Edmond累到黑面，小齊則笑說：「我哋兩個曬黑到非洲人咁，佢日日塊面都係黑色喎！Edmond好勁，好多嘢都係靠佢夾硬去換番嚟，佢用豆豉鯪魚罐頭去換博物館入場券都夠膽死。」

救高山症日本人

當他們爬上香格里拉海拔4,500米的石卡雪山，遇上患高山症的日本女人，對方呼吸困難面無人色，他們即借出隨身攜帶的氧氣救援，對方甦醒後視小齊如救命恩人，小齊笑說：「佢由山上多謝我到山腳，仲大聲話認得我叫任賢齊。」