模特兒貝安琪（Ankie）和「綠魔」許嘉浩（Karl）昨日現身瑜伽中心，以低胸運動裝上陣的Ankie化身「魔鬼」教練，教Karl及現場的Blogger做電氣石瑜伽，她表示教瑜伽已10多年：「我學咗15年，喺紐約讀大學時第一次上瑜伽堂，出面有教學生。（吸引男學生報名？）都吸引好多男士，女士都有。（未來Mr.Right都要有瑜伽嗜好？）都要識，唔識就教佢，做一世私人教練。」她又分享做瑜伽貼士：「記住做之前之後要飲多啲水，做之前兩個鐘唔好食嘢，否則啲動作會令到個人好易嘔，如果唔想空肚都可以食少少生果。」

貝安琪烏低身教瑜伽，十分落力！