前港姐吳婉芳前日以短裙Look現身馬場，被驚嘆樣子與30年前冇分別，透過《東網巨星》fb，即掀起瘋狂討論熱爆全城，成為網民熱話美魔女人氣榜首位，被譽為無添加「超級美魔女」。吳婉芳分享養生之道，首要是心境開朗及每日打坐。 文：名人組

吳婉芳日前一身青春打扮到馬場，毫無違和感，靚呀！

婚後吳婉芳相當低調，只間中與馬主丈夫現身馬場。

最強娛樂資訊App《東網巨星》前日報道向來低調的吳婉芳與丈夫胡家驊現身馬場，參選港姐至今三十年依然省鏡，同時回顧30年來美魔女成長史等消息後，《東網巨星》Facebook隨即轉發及建立多個貼子，引來全城網民洗版式瘋狂討論，不足24小時已有逾一萬個分享及讚好！

18歲參選1986年港姐並得亞軍兼最上鏡小姐及才華小姐的吳婉芳，1993年與拍拖七年的胡家驊結婚，婚後誕下二子一女，大仔現已22歲。想不到隔了三十年，她依然保養得宜，前日在馬場的短裙Look成為「逆齡港姐」，歲月沒在其面上留下痕迹，而且絕無添加、無整容。

多湯水唔食煙

對於成為熱話，吳婉芳接受本報記者訪問時大感驚訝：「一起身個電話WhatsApp已不停響，啲朋友不停Share條Link畀我睇，連內地啲朋友都知道，好誇張，搞到我好驚。」問到保養心得，她自言懶惰，飲食則以清淡為主：「我好少食補品，亦唔會食燕窩，但會飲好多湯，同埋我又唔食煙，唔食煙對皮膚真係會好啲。（護膚呢？）一星期敷兩、三次面膜，但洗面一定會洗得好徹底乾潔。」她又透露愉快心境最重要：「心境開朗好重要，每個人都會遇到開心、唔開心嘅事，我比較阿Q精神，凡事唔會咁執着，要有多啲正能量，睇吓佛經，令個心境平靜，同埋我會打坐，呢啲係我養生之道，每日畀啲空間自己靜落嚟，同埋有睇中醫調理身體。」

冧爆讚老公有型

「凍齡」在吳婉芳身上亦發生不少趣事，除了兩年前入賭場還被查身份證，她還說：「過海關試過檢查完證件後，離開時再叫我個名，好彩我有望轉頭，朋友話佢哋可能懷疑我係咪證件上嘅人。」提到成為網民熱話美魔女人氣榜首位，她謙虛地說：「咪玩我啊！其實我好老，你近睇就見到啲皺紋。（老公一頭白髮，會唔會嫌你太後生？）咁又冇，我覺得佢啲白髮好有型，我好鍾意佢咁樣。」