身兼演員及DJ的馮殷（Cecilia）平日講嘢就叻，想不到扮鬼臉亦似模似樣，輕易做出鬥雞眼、豬鼻等Cutie樣。而最搞笑的是，她善用道具，用梳把劉海固定，加上一個Chok樣，效果爆笑！但她笑言平日很少影扮鬼臉相：「但私下同朋友嘅話，我係絕對會做呢啲事情，因為我喺朋友眼中都係個幾傻更更、低低能能嘅人，所以出現到呢啲樣係唔出奇。（驚唔驚會影響形象或嚇親男仔？）我就唔驚，有啲男仔可能係鍾意呢類型嘅女仔，有時有啲男性朋友同我講，反而咁樣會令佢哋印象深刻啲，覺得Cute啲，反而會更加留意到，而且咁樣都可以有多啲唔同嘅一面畀大家睇。」

馮殷扮咁多騎呢樣，男仔係咪真係鍾意？