林子善爆女友互咬Pat

林子善與健美小姐鄭麗莎等昨日出席健美活動，子善早前練出爆肌身形，問他可有勤操Keep肌肉？他點頭並透露一星期操足六日，更將在無綫新劇中上演晒肌戲份：「下套劇中我要打MMA（綜合格鬥），監製覺得我太瘦，我要增磅，一日食五至六餐。」問他操肌後會否大受異性歡迎？他即隔空向女友派定心丸：「我初頭都以為係，但我只有一個（女友），機會留番畀其他人，女友都會陪我睇拳賽同健美比賽。」接着，他搞笑驚爆女友對他的股肌特別感興趣，更喜愛咬他Pat Pat：「明明我有胸肌同臂肌，佢會問可唔可以咬我，我就答佢唔得！（你咬番佢邊度報復？）都係Pat Pat，我哋有奇怪嗜好！」談到與女友喜好相近，會否好事近？他甜笑稱準備中，詳情日後公布。