近期瑜伽大熱，不少名人明星愛做瑜伽Keep Fit減壓！昨日藝人陳婉衡及林芊妤等出席瑜伽活動，身材逼爆的陳婉衡更即場倒奶示範，相當震撼！ 文：名人組

陳婉衡以低胸背心上陣，E Cup彈出！

Coffee出力烏低身搶「峰」頭！

陳婉衡（左）與Coffee鬥瑜伽兼鬥身材！

新一代無綫「咪神」陳婉衡（Alycia）昨日跟藝人蔡穎恩、瑜伽導師林芊妤（Coffee）及歌手丁悅等出席千人瑜伽日活動，其中身材同樣出眾的Alycia和Coffee即場示範瑜伽動作，E Cup的Alycia輕輕擺出烏身動作，已相當澎湃激蕩，把在旁的Coffee比下去。

抹枱做閒角

Alycia自言以前是運動白癡，第一項真正接觸的運動就是瑜伽，加上做瑜伽後發覺好處很多便愛上：「做咗瑜伽之後，皮膚好咗，因為流汗會排毒，同埋Pat Pat明顯結實咗！」問到會否想開班教授？她說：「未必做導師，但做瑜伽可以幫助跳鋼管舞，都希望有個角色可以畀我跳鋼管舞。（要好性感喎？）跳鋼管舞唔一定性感，都可以好健康。」對於她在綜藝節目《男人食堂》內被指角色等閒，她笑說：「我個角色係抹枱妹，其實我之前真係做過日本餐廳！」

拒絕畀人養

Coffee透露現時多任私人瑜伽教練，問到有沒有男學生報名？她笑說：「有！咪心邪，佢哋唔想Group Class係因為上堂跟唔上我同其他女仔，如果單對單教，可以針對性解決佢哋問題！」談到感情生活，她即嘆氣說：「依家我太着重事業，唔係咁多男仔頂得順，佢哋想我有多啲時間可以出吓街、食吓飯，但我真係冇乜時間，我覺得依家啲男仔好似變咗女仔咁，問我點解成日都咁忙？我話我自己靠自己搵食，梗係辛苦！（有冇人話養你？ ）有！但我唔鍾意畀人養，我有手有腳，如果有日你唔養我，我咪乞食？」她又自認是小女人，接受不了要養另一半。