歌手JW（王灝兒）、藝人河國榮及樂隊Kolor昨日出席「2016選民登記運動」啟動禮，河國榮說：「十幾年前已經登記做選民，不過只係投過兩次票，因為我住嗰區選擇較少。」將參與粵劇演出的他，被問到對粵曲可有了解？他說：「要請人教，其實我對粵曲唔了解，都唔明講咩，但之前記廣東歌都係咁記，記歌詞冇難度。」

JW透露目標是開音樂會。

河國榮唱粵曲只是「齋記歌詞」。

而JW對於好友何超蓮傳與台星吳克羣復合，她說：「佢哋只係朋友關係，（鄧紫棋同內地歌手華晨宇傳緋聞喎？）我就唔清楚，未見過。」談到自己的工作，JW希望舉行音樂會，現時正努力儲歌，又承認大熱歌《矛盾一生》令收入增加。至於前唱片公司老闆黎明將開騷，她笑說：「好多朋友託我買飛，我都計劃捧場。」