甄子丹主演的《葉問3》在內地上映僅兩日，即錄得約4.16億港元票房，他對票房直衝10幾億人民幣充滿信心，且不諱言會加快步伐籌拍《葉問4》。而近日忙於接拍荷里活猛片的子丹，更作地獄式操肌特訓，憑一身爆肌與拍檔雲狄素「拗手瓜」。文：影視組

《葉問3》於內地票房報捷，可喜可賀。

去水去油去便，再配合操練，甄子丹練出一身弗爆肌肉。

甄子丹與雲狄素（右）這個組合，可謂最強對最強。

甄子丹除了與張晉到杭州「跑戲院」宣傳。

忙於拍攝荷里活電影《3X反恐暴族3》的甄子丹特意向劇組請假，飛往內地「走埠」配合《葉問3》內地上映的連串宣傳工作。子丹昨日偕張晉等現身杭州出席記者會，及連跑4間戲院與粉絲會面，辛苦背後即傳來好消息，《葉3》開賣短短16小時，票房錄得逾億人民幣，而上畫兩日累計票房已達約3.5億人民幣（約4.16億港元），成績理想。

有信心破10億大關

子丹昨日接受長途電話訪問時說：「坦白講，今次《葉問3》上映檔期唔係咁好，勢估唔到觀眾要返工、返學都不忘買飛入場支持。我覺得今次咁好成績，應該係《葉問》已經累積到一班忠實擁躉，同埋口碑好好。（預計內地收幾多票房？）呢樣嘢唔敢講，但照走勢去睇，過10幾億人民幣應該唔難。」談到《葉問4》的籌拍工作，他說：「一定冇籌拍《葉3》咁耐，遲啲我會捉導演葉偉信同監製黃百鳴坐低傾。」據悉，《葉4》暫定明年中開拍，2018年下半年上映。

闖荷里活戲接戲

此外，子丹更不諱言希望《葉4》的發行國際化，而事實上近年他的作品亦逐漸趨向荷里活製作。去年他接拍電影《星戰》外傳《Rogue One：A Star Wars Story》，以及目前正拍攝中的《3X反恐暴族3》令他於西片市場進一步打響知名度。而近日網絡瘋傳一張子丹的「激凸爆肌照」，原來是他為《3X》片進行地獄式操肌特訓，他說：「難講晒個（特訓）過程你聽，總之我每日都要去水、去油同去糞便，要注意飲食、分量同用餐時間，如果唔係點同雲狄素『鬥肌』呀？」