港姐冠軍陳庭欣對扮靚相當講究，為對抗近年高清廣播，她要求皮膚有足夠水分，故每晚睡覺前也會敷面膜：「冬天就懶啲，一星期敷一、兩次，因為皮膚唔夠水就會生粒粒，上妝都唔夠貼，依家觀眾好聰明，有少許瑕疵都睇得清清楚楚，本身咩面膜都用，為咗令自己勤力啲敷，會特登去買啲得意嘅造型，好似老虎、貓卡通之類，敷住心情都開心啲。」

陳庭欣笑言敷卡通面膜，心情都靚啲。

陳庭欣

除了勤力敷面膜補充水分，庭欣於保養皮膚方面也很執着，幾個月前在朋友介紹下，豪擲數萬元買下一整套瘦面護膚系列：「佢有幾瓶嘅，分別有面膜、精華同Cream，要Step by Step用，因為太貴，唔捨得用太多，每次只係搽想瘦嘅位置，都真係Work，睇得出有效果，所以貴啲都肯使，惟有其他嘢慳啲，扮靚錢唔慳得。」