何紫綸陳樂榣香氣吸金

何紫綸由擔任模特兒到轉型儀態導師，現在更成為製作公司老闆，以自己名字推出香水系列，更會推出護膚品，推廣扮靚心得，並親自作為生招牌，肥水不流別人田，更與好姊妹陳樂榣合作吸金。

第一次合作做生意的Ann（右）與陳樂榣親自包裝產品。

推出自家香水的Ann親自做生招牌。

陳樂榣創業初期壓力大，經過摸索後生意才上軌道。

陳樂榣（右起）、石詠莉與甄詠珊曾組成性感組合Freeze。

升呢做老闆的Ann（右二）在公司開派對。

Ann與陳樂榣推出Box Set吸金。

陳樂榣在網店售賣手鏈。

初為人妻的何紫綸（Ann）轉型做幕後，更成為Starteam Production老闆，旗下有星座少女的女子組合。平日Ann除了要幫藝人設計形象外，一向愛扮靚的她早前推出自家的精華素，眼見成績不錯，故乘勢推出香水Ann Kiss系列。

1個月回本

她表示香水是吸引異性的物品，市面上的香水設計又不合適，最後她決定親自設計：「有野性味，又有BB味，售價唔使一百蚊，圓筒形香水樽方便放入手袋，而走珠式香水想搽幾多都得，同埋個唇印Logo係我自己個嘴，好有標誌性。」Ann表示投資近六位數，推出近一個月已回本，並有五位數盈利：「因為好多都係批發咁拎貨，馬來西亞、台灣、內地都有賣，所以冇壓力，有時幫人做香水代言，不如自己出香水，肥水不流外人田。」因此Ann決定與好姊妹陳樂榣（Alley）合作，推出節日的聯乘禮物盒。

Alley的網店專賣韓國飾品並已開業兩年，當年創業時壓力大，經過摸索後生意上軌道，營業額近七位數，所有工作都是自己一手一腳做，因她曾是前性感組合Freeze成員，而客人亦不時問娛樂圈的事，當是人生的經驗，現在專心湊女及打理生意。

親自包裝

Alley表示這次合作是為節日而推出Box Set，有Ann的香水及Alley網店的閃石手鏈，早前推出限量500盒，反應熱烈。Ann笑言有錢齊齊搵，兩位人妻花了一個月籌備，落手落腳包裝，對於首次合作，Ann說：「之前有幫Alley做過慈善畫展嘅模特兒，但生意上就係第一次，Box Set反應好好，之後會出古龍水，又會出Twins嘅香水套裝。」Alley表示情侶手鏈最好賣：「到時又可以夾埋香水整個套裝，有生意齊齊搵。」