藝人陳國坤昨午二時半現身養和醫院探望太太黃伊汶及剛出世的囝囝陳真，他透露太太現時情況很好，他亦每天在醫院睡陪太太，自嘲似看更：「鬚都冇剃，但Enjoy，瞓瞓吓都會笑醒。之後會陪埋佢坐月，大約到4月中。（停工咪賺少咗？）冇所謂，錢幾時都有得搵，但仔唔係成日有得生。」他表示經常掛住囝囝，連出外食飯都會掛住。據知黃伊汶今日會和囝囝出院回家坐月。

日日瞓醫院冇得剃鬚？陳國坤不知幾享受！

肥仔聰（右）笑言驚囝囝同陳真爭女會慘敗。

另外，好友林子聰（肥仔聰）及田啟文（田雞） 昨午亦前後腳到醫院探BB，一同離開的兩人大讚BB靚仔：「上半面似阿坤，下半面同鼻就似伊汶。」田雞讚BB耳仔夠貼又夠厚，肥仔聰則笑言遺憾看不到BB的「啫啫仔」，育有一子的他說：「希望兩個BB可以做兄弟，咪爭女，我個仔會爭輸！」