文詠珊、林家棟和林敏驄等前晚出席春茗，當中提名金像獎「最佳女配角」的文詠珊自爆得悉入圍時High到飲醉：「我當時同家人去緊旅行，知道就慶祝，我仲飲醉咗！」她又大爆在新片被拍檔家棟掌摑至360度反轉跌落地！

文詠珊與林家棟合作新片，被摑到喊唔停。

蔡思貝穿背心裙現身，大騷長腿！

林敏驄笑言沒有信心奪「最佳男配角」。

林家棟、文詠珊（Janice Man、JM）、林敏驄（阿驄）、導演劉偉強及蔡思貝等，前晚在尖沙咀出席筵開17席的香港電影工作者總會春茗，當中入圍今屆金像獎「最佳女配角」的JM笑言因不斷收到好友恭賀而開始感到緊張，又表示忙於拍攝內地劇而無暇揀戰衣，故全交造型師負責，屆時會向劇組請假返港，事後又要趕回內地拍劇。

提名女配醉High

問到可有信心得獎？首獲提名的JM稱平常心面對。談到會否帶同男友行紅地氈，她搖頭稱要公私分明，但透露家人與男友得知她入圍時也相當激動，而她當時更High到飲醉收場：「我當時同家人去緊旅行，知道就慶祝，仲飲醉咗！」問到男友有否實質行動支持或獎勵？她笑言要Plan旅行。其後又大爆在新片《兇手還未睡》中被拍檔家棟掌摑至四腳朝天，身旁擔任晚宴司儀的家棟聞言即笑說：「我一摑就打到佢360度反轉跌落地。我好驚！打完佢仲喊到停唔到。（JM面上有手指印？）有呀！不過一Take過。」他笑言從未與JM合作，事後亦有「呵番」！

阿驄冇信心攞獎

至於阿驄談及入圍金像獎「最佳男配角」，首度獲提名的他笑言冇信心奪獎。問到睇好哪位對手？他搞爛Gag笑說：「全部唔係我對手，因為我自己對手喺度！」

談及作品多多的他有否打算趁出道35周年舉辦演唱會？他透露有主辦商賞識，但早前入紙紅館卻不獲批准，對此感到失望，惟有隨緣。

文：影視組