近日一班前亞視藝人可謂相當忙碌，不斷接受各方媒體訪問，劉錫賢、蔡國威及張文慈更亮相無綫接受節目《東張西望》訪問，三人對亞視行到如斯境地，齊呼可惜之餘，亦對近日仍在工作的亞視員工失業感心痛。談到最喜歡的亞視劇集，劉錫賢指是《縱橫四海》，並自爆首日開工便因揸車入錯波，令座駕報廢！而張文慈則表示拍《我和殭屍有個約會》時，因廠房廁所簡陋，她又要洗去頭上顏料，被迫沖一小時凍水涼，令她大感難忘！

劉錫賢、蔡國威及張文慈接受無綫節目《東張西望》訪問，大談亞視。

另外，昨日劉錫賢與蔡國威連走兩場，先到新城電台然後再到有線聯同筱靖及馮家俊做訪問，劉錫賢與蔡國威大談對昨日司榮彬方面「晒現金」的感受：「攞錢出嚟？橋太舊啦！騷乜都冇用，根本係太傻同太癲嘅行為或者一千蚊下面係白紙呢！話同清盤人共同管理？啲錢唔係要嚟睇，係出糧畀啲員工嘅。」劉錫賢更說：「希望仍然留喺度嘅亞視員工清醒，拖糧拖咗3個幾月，牽涉咗400個家庭，冇得養妻活兒，係維生問題。」