舊節目臨危受命「攝時間」 黃麗梅激動喊

亞視玩完之際，近日不停重播舊作「攝時間」，而播放的節目中有黃麗梅主持的《嘆盡全世界》、鄭丹瑞的《計中計狀元財》及鍾景輝的《尋找他鄉的故事》，可算是「臨危受命」！黃麗梅坦言很明白亞視何以揀她的節目：「我幫亞視拍咗好多飲食節目，12年應該有千幾集節目，依家播嘅《嘆盡全世界》，我非常喜歡，當時亞視好支持我哋，食同住都係頂級最好嘅，所以節目好好睇，但當年我只顧住趕製節目，冇好好享受過，依家諗番有啲可惜。」而鄭丹瑞表示《計中計狀元財》播到「爛晒」：「可能咩台都播過！自己冇咩感覺。」他又稱現時亞視情況是一場鬧劇，麗的出身的他在麗的轉到亞視前已離開，故他會稱呼自己做「麗的人」，所以對亞視提早結業，不會有特別情緒，不過他亦慨言：「作為業界一員，希望係有心先嚟做，唔係嚟攞着數。」至於鍾景輝對亞視屢傳「熄機」，大感可惜和唏噓，已離開亞視多年的他表示，《尋找他鄉的故事》他都有買碟儲起留念。