亞視雖然昨日仍未「熄機」，但注定難逃停播命運，一眾曾為亞視效力的藝人均倍感唏噓，其中仍感激亞視的張家輝呼籲勿亂用其電影不雅「金句」：「唔係代表住我嘅睇法。」更稱會起用亞視人參與日後製作。而曾為亞視效力的陳庭威、黎燕珊、林建明和羅力威對於這境況深感遺憾。

亞視出身的張家輝揚言會起用亞視員工參與日後製作。

黎燕珊講到亞視命運時眼濕濕，要用紙巾拭淚。

亞視面臨停播，令人唏噓！

《仁美清叙》主席黎燕珊（左）昨日率亞姐出席團拜晚宴，席上朱慧敏則以獎品贊助商身份參與活動，並與黎燕珊合照留念。

亞視臨時清盤人前晚突然宣布解散亞視全體員工，昨日亦會正式停播，不過截至昨晚8時，亞視雖然仍未「熄機」，但情況已如風中殘燭，實在難以想像全盛時期的它曾是巨星搖籃！

在亞視出身的影帝張家輝昨晚出席「香港專業電影攝影師學會」周年晚宴時表示，直言對亞視仍有感情：「有個朋友佢唔飛黃騰達啫！都冇理由望佢去死o架嘛！」又叫觀眾勿再亂用他的電影「金句」：「『X你個街，亞視嚟嘅喂！』係我個角色講，唔係代表住我嘅睇法，我對亞視係冇怨恨。」他又表示拍攝《陀地驅魔人》時因黃竣鋒出身亞視而特意為他安排角色：「本身唔識佢，再有製作嘅話都會起用亞視員工。（仲有冇同舊同事聯絡？）有呀！我屋企嗰個舊同事（太太關詠荷）。」

陳庭威鼓勵不要洩氣

曾是「亞視一哥」的陳庭威，近年北上發展，當知道亞視面臨「被熄機」的下場，即非常感觸：「好掛住林伯！佢主政亞視時，一直蝕錢都繼續撐落去，我以前幫亞視拍嘅劇集都收視好好而令員工士氣高昂！我依家主要喺內地拍戲，希望香港可以再拍多啲勵志片，令到大家都咪洩氣！」

而首屆亞姐冠軍黎燕珊昨晚出席「仁美清叙」活動時，提起亞視命運即時眼濕濕，更一度要用紙巾拭淚，又稱前一晚傷心到瞓唔着。談到亞姐將成歷史，她說：「舊嘅唔去，新嘅點嚟。」又指新投資者司榮彬已經盡力想搞好亞視。

羅力威遺憾個台冇咗

至於亞視前身麗的電視主辦的沙灘小姐冠軍林建明，在電台訪問中大嘆昨日是「黑色星期五」，因為亞視將熄機及舊拍檔盧大偉病逝，雙重打擊。而近年因參加第一屆《亞洲星光大道》奪冠而成名的羅力威亦深感遺憾：「同人講我贏咗《亞洲星光大道》冠軍，但個台冇咗！」又指胞兄亦是亞視音樂部員工，惟未有跟兄長傾過欠薪問題。

文：影視組