英皇高層吳雨昔日曾為《歡樂今宵》編劇，好友盧大偉逝世，唏噓及傷感的她表示，未入行時已看盧大偉的演出：「佢好好笑，有次一齊搭飛機，飛機餐有牛扒，佢同空姐講『Very Shoe』，原來係話牛扒好『鞋』！又試過要扮十兄弟嘅大口九，佢要紮孖辮着肚兜行街，佢本來都嬲，都係為觀眾而豁出去！」而沙姐林建明則說最後一次見盧大偉是去年演藝人協會的派對上：「當年我哋成日互相整蠱，有次盧海鵬成兜意粉掟落佢塊面，點知佢嬲，當時直播緊唔發得脾氣，但轉頭就冇嘢！」

另外，曾和盧大偉合演劇集《論盡天堂》的薰妮，昨日在社交網站上留言：「一切回憶歷歷在目，恍如昨天的事，他生平非常搞笑，帶給大家無限歡樂，而且他很有福氣，有一位很敬愛他的太太，可謂不枉此生。」