顧嘉煇一連兩場演唱會隆重舉行,除一眾前輩級歌手捧場演出,更由許冠文擔任「代言人」,許冠文在台上諷刺時下低頭族「無情」,叫人等Call似叫「雞」(妓女)一樣!而壓軸出場的汪明荃在台上來個華麗轉身時不慎自踩裙襬險仆,幸得鄭少秋出手相助才化險為夷。

顧嘉煇在台上揮動指揮棒。

壓軸出場的鄭少秋,拖着汪明荃互唱金曲。

一眾歌手嘉賓逐一向顧嘉煇致敬,並合唱《獅子山下》。

羅嘉良表示有幸可以擁有顧嘉煇的作品。

許冠文(左)與蘇永康握手。

樂壇教父顧嘉煇前晚假紅館舉行一連兩場《顧嘉煇金紫荊慈善演唱會》的首場,擔任嘉賓的前輩級歌手杜麗莎、陳潔靈、仙杜拉、關菊英、羅嘉良、蘇永康及組合C AllStar輪流登場,齊向得「金紫荊星章」的顧嘉煇致敬及送上祝福。

許冠文寸低頭族

任顧嘉煇「代言人」的許冠文在台上妙語連珠,呻現在的流行曲欠缺「情」:「有時唔知佢噏乜,我留意到係90年代,好似《囍帖街》『有感情就會一生一世嗎』,有感情都唔一生一世,有咩先一生一世?有樓囉!所以點會唔懷念顧嘉煇先得o架?」他又講到都市人都變成低頭族:「我最憎啲人話『Call你啦』,咩叫『Call你啫』,我一定唔會等人Call,呢個世界得兩種人要等人Call,一係醫生,一係做雞(妓女),我又唔係醫生又唔係做雞。」

再次合作感開心

鄭少秋與汪明荃則在演唱會壓軸出場,互唱對方金曲,汪明荃笑說:「各位觀眾大家好,係咪畀人問候咗好幾次?好開心可以再一次喺顧嘉煇作品騷同大家見面。」

兩人在合唱《紫釵恨》 時,汪明荃因轉身而險被裙尾絆倒,幸好秋官發揮「大俠本能」及時扶住她,避過意外發生。完騷前眾嘉賓上台逐一向顧嘉煇致敬,合唱《獅子山下》。

文:音樂組 

攝:司徒國榮