香港賽馬會本周二將舉行頭獎彩金高達1億元的「40周年金多寶」，《東網巨星》的娛樂節目《玄學星相》推出特別版，由堪輿學家陳子才分析落注吉時及方位的中獎攻略！崔碧珈穿「有味」紅背心殺入投注站，蔡國威則以全新紅底落注！

崔碧珈出動有味紅衫落注，仲買多條水晶催旺財運！

崔碧珈

蔡國威着埋紅底出擊，點夠你嚟呀？

陳子才教各位擇吉時同揀幸運顏色投注！

億元金多寶令全城瘋狂，最強娛樂資訊App《東網巨星》娛樂節目《玄學星相》昨日推出特別版，由堪輿學家陳子才講解旺財攻略，為12生肖批算落注吉時及旺財方位！他指肖蛇的朋友今年吉星特別多，最有橫財運，肖蛇、馬、虎及兔的朋友，於今晨11時至下午3時到柴灣、觀塘、馬鞍山的投注站，甚至到2號或7號窗落注就最有利！至於明天的吉時同樣是早上11時至下午3時，對肖蛇、馬、豬和鼠的朋友最有利！他提醒若以電子投注，下注時向着當天的財位亦能增加勝算。

買水晶再谷一谷

《玄學星相》推出的特別版大受歡迎，本已到投注站落注的女星崔碧珈（Anita）和蔡國威，不約而同表示袋穩貼士後會再「補飛」！擁36E Big爆身材的Anita，前晚以紅色低胸運動背心襯黑皮褸到旺角投注站，期望以40元博得1億金多寶！她笑言會遵循師傅的貼士，於明日的吉時再落注！

而前晚落注前，她先到附近的水晶店搜羅心形黃晶手鏈，藉此催旺財運，更自爆身上的紅衫已多日沒洗：「上星期諗過洗，但屋企紅衫唔多，所以拎番嚟着買六合彩！上網睇過，有啲衫洗太多會洗走旺氣！」她的自選號碼是5號及10號，同是其讀書時代的學號，問到若中獎會如何處理1億獎金？愛運動的她計劃開設專為女性而設的一站式健身中心。

蔡國威着紅底等買樓

至於「六合彩之子」蔡國威亦到樂富投注站投注，並特意穿上全新紅色內褲催旺財運。3號和6號是其幸運號碼，他除了買3注共60元的電腦票外，又提供心水號碼16號及23號，他說：「23號係直覺號碼，好多期冇開過，所謂物極必反！如果中咗會買3層樓，去環遊世界，同埋開製作公司請番亞視員工！我有網上投注戶口，不過都係落場買有張飛袋住穩陣啲！」

【http://goo.gl/WYbN6X】

採：影視組、專案組

文：專案組

飾物：StonePlanet優質天然水晶