莊思敏、羅仲謙和陳瀅等昨日為劇集《潮流教主》宣傳，穿低胸裙的莊思敏力撼透Bra蔡思貝，並透露花了三星期減掉約25磅，已重回昔日磅數，惟短時間減掉多磅，身體也出現一點問題，不過要靚唔要命的她卻揚言甘願博一鋪。對於鍾嘉欣結婚，她坦言與其舊愛伍允龍較熟落：「件事都有啲突然，不過開心事梗係要恭喜嘉欣，見佢啲結婚相都好開心，希望佢婚姻美滿。」

蔡思貝（左起）、羅仲謙、莊思敏、莊思明及李壁琦齊齊出席宣傳活動。

皮膚疹仍未消退的陳瀅，大受粉絲歡迎。

而阿謙對於舊愛傅穎公開表示拍拖，他會祝福對方，經常傳與女友楊怡好事近的他，被問到會否效法嘉欣閃婚？他說：「我實會同大家交代。（計劃？）我都係嗰句，有好消息會通知大家。」