朱慧敏昨日出席排毒茶發布會時，大晒前晚拍攝節目時獲鄭丹瑞好評，卻指不敢向對方自薦拍電影：「怕醜呀！」問她有否挑戰短時間流淚，她指綵排時做得到：「但正式時就眼泛淚光，冇滴落嚟！」

朱慧敏昨日出席活動時表示，前晚拍攝節目時獲鄭丹瑞好評，大感興奮。

鄭丹瑞

林澄光（左起）、石修、朱慧敏及李丞責，昨日齊齊出席排毒茶發布會。

李丞責獲贈「李丞責BB終身免費飲用證」。

朱慧敏、石修、堪輿學家李丞責和「少年食神」林澄光等昨日在佐敦出席「老和尚靈芝排毒茶有效實證發布會」。前晚拍攝無綫節目《Sunday好戲王》的朱慧敏坦言過程既開心又緊張，問她有否挑戰短時間流淚，她指綵排時做得到：「但正式時就眼泛淚光，冇滴落嚟！」但表現仍獲得評判鄭丹瑞好評。

石修滿意酬勞

問會否向鄭丹瑞自薦拍戲，自言與對方有緣的她即笑說：「我唔講呀，怕醜呀！（唔講佢點知你想同佢拍？）你哋幫我講啦！」而前晚她在電視城錄影時，同一時間處境劇《愛．回家》正舉行煞科宴，她直言撞期而沒有出席，又謂她的角色在第一輯完結時已畫上完美句號。

而第二年擔任代言人的石修被問是否滿意酬勞，他直言OK：「其實我都好多謝佢哋搵我，因為佢哋話我形象健康，啱個產品。」最近為有線主持節目《食得有法「補」》的他指涼茶不能隨便飲，各人體質有異，最好先請教中醫師：「呢個就驗證咗，大家都可以放心。」

李丞責Ready做陪月

至於李丞責就獲贈「李丞責BB終身免費飲用證」，收禮物時他即笑問：「到底係我做咗BB，定係送畀我嘅BB？」現在常陪住老婆劉倩婷的他又笑言，將由待產士轉做陪月士。

談到早前他疑似暗示會生女，他即說：「我係話太太多咗個情人，其實點話點好，仔女都咁鍾意。」同場的林澄光則透露即將為ViuTV拍攝飲食節目，到美國紐約、洛杉磯食足6星期齋。

文：影視組