Yumiko出貓教囡囡叫「媽媽」

兩位型媽鄭希怡（Yumiko）及周汶錡（Kathy），昨日一同穿春裝現身I.T時裝活動，母愛氾濫的她們都大談寶貝B。Yumiko透露女兒梁浸浸近日愛上「伸脷」，一秒兩次，令她哭笑不得，記者笑指可能很快學會駁嘴，她即說：「唔期待，佢遲啲講嘢都得。（想佢叫媽媽先？）我已經成日出貓，喺耳邊係咁叫媽媽，所以我覺得佢會叫媽媽先。」又表示有廣告商邀請梁浸浸拍廣告，但因年紀太小而婉拒。談到內地嚴控親子節目，Yumiko有另一看法：「兩面睇嘅，一方面可以畀小朋友體驗吓，我覺得小朋友應該多啲接觸人，之前我個女見到陌生人成日喊，我都畀佢見多啲朋友。（支持親子節目？）我個女太細，暫時冇呢個煩惱，但作為一個觀眾我會想睇。」至於Kathy則笑言最愛替兒子打扮，又打算讓他留長一點頭髮，問到何不追個B女為她扮靚？Kathy說：「我都想呀！要生到先得，我都想快啲！」另外，Yumiko於活動結束後「濕平」掃護膚品，似乎心情大靚！