顧嘉煇為慈善再臨紅館開騷，甫開場便以錄音表達最想用自己的音樂回饋社會，又將整個音樂會「交付」好友許冠文為他演繹香港情，許冠文在台上大爆當年想當歌手慘被顧嘉煇「潑冷水」。

「代言人」許冠文在台上大爆當年想當歌手，慘被顧嘉煇「潑冷水」。

顧嘉煇坐在台邊的梳化欣賞演唱會。

身穿透視裝的張德蘭獻唱《網中人》。

趙雅芝夫婦（圖）及薛家燕到場支持顧嘉煇。

薛家燕

顧嘉煇昨晚假紅館舉行一連兩場《顧嘉煇金紫荊慈善演唱會》，今次演唱會屬慈善性質，一眾樂迷相當捧場，包括薛家燕、朱明銳及趙雅芝夫婦等到場支持。今次演唱會由許冠文任司儀，並請來鄭少秋、汪明荃、關菊英、張德蘭、陳潔靈、仙杜拉、杜麗莎、蘇永康、羅嘉良、區瑞強和C AllStar擔任嘉賓，星光熠熠。

播《獅子山下》感言

演唱會開四面台，身穿黑色西裝的顧嘉煇由徒弟徐日勤帶領坐在台邊的梳化欣賞演唱會，開場時播出《獅子山下》及顧嘉煇的感言：「我嘅歌一路都陪伴住香港人成長，時代環境雖然有好多改變，但最重要係香港精神不變，被嘉許我固然開心，但我更加想用我嘅音樂回饋社會，我自問唔識講嘢，但我對香港嘅情義已經寫晒喺我嘅歌入面，所以我今日特別請來我嘅好朋友，一個公認口才最好嘅人，佢同我一樣對香港有好深厚嘅感情，佢寫嘅《鐵塔凌雲》同我寫嘅《獅子山下》係最好嘅見證，今晚特別請佢為我代言，演繹我哋嘅香港情，各位我哋嘅朋友許冠文。」

張德蘭透視獻唱

「代言人」許冠文亦隨即上台，他笑言在開騷前顧嘉煇向他投訴有議員說他已經上了天堂：「佢話有冇搞錯，我話你係喺海報度寫我係代言人，人哋通常上咗天堂先要代言！」

他又憶述當年與顧嘉煇在《歡樂今宵》合作：「當時我膽粗粗叫佢寫首歌畀我，佢聽完我歌喉之後叫我都係返去講笑好啲，好彩我有聽佢講做咗導演，拍咗《天才與白痴》同《鬼馬雙星》，佢幫我做配樂嗰時又反問番我想試吓做明星，演完之後我叫佢不如都係返去寫歌，好彩返咗去寫歌先有《獅子山下》。」隨後，身穿透視裝的張德蘭便現身唱出《網中人》。

文：音樂組

攝：司徒國榮