1億六合彩下周二殺到！陳嘉桓與周嘉莉昨日齊去投注碰運氣，她倆先到公園行大運，再抱着財神公仔殺入「運財」投注站，夠晒意頭！而陳蕊蕊亦到去年出過多次頭獎幸運兒的投注站一碰運氣，更於投注站前搖骰落注！

陳嘉桓（右）與周嘉莉（左）抱着財神公仔投注，更到公園行個大運。

金剛同蕊蕊夾錢買金多寶，中咗點分先？

「骰」魔蕊蕊話要搖出1億，究竟準唔準？

金剛

香港賽馬會為慶祝六合彩40周年，特別推出1億金多寶，於3月1日開彩。陳嘉桓昨日與「六合彩女神」周嘉莉一同到去年中過30次頭獎的尖沙咀漢口道投注站落注，更不約而同表示若中獎會拎三分之一彩金做善事。為了達成夢想，她倆先到公園行大運，再抱財神公仔投注。曾任六合彩主持的周嘉莉穿上滿布金錢符號的黑絲襪，實行旺上加旺！談到1億橫財夢，周嘉莉說：「做完善事後，我會買樓，然後再將餘下嘅錢幫助前亞視同事。」而陳嘉桓亦會置業，她說：「我嘅Dream House係一間三層高嘅村屋，可以泊車。我仲想回饋搵我代言嘅客戶，一定要幫襯番。」另外，周嘉莉笑言若中獎定必徹夜不眠，守住彩票，陳嘉桓則認為彩票放銀包最安全。

「線」低心水號碼

六合彩1億金多寶將於下周二開彩，為成為頭獎幸運兒，蕊蕊昨日特地穿紅衫到曾售出頭獎中獎彩票達30次的大埔安泰路投注站買六合彩，更用骰盅搖出六個號碼，又透露會用100元投注。問到中頭獎會點使？她說：「首先要做善事，始終係橫財，剩低嗰啲畀屋企同買樓！（會話畀金剛知？）冇得唔講嘅，我會同佢夾份買，所以中咗都唔會有1億。（唔怕朋友知道咗要狂請食飯？）冇所謂，橫財開心Share係好事。（會唔會用嚟搞生意？）當然想。（有冇中獎命？）一般，有時抽獎都會中，不過少大獎，之前都中過幾次六合彩，但最多都係得20蚊。」

文：影視組、專案組