歌手安俊豪（Simon）外形高大兼帶點韓風，不過原來他是一名中泰混血兒，不過泰文程度只是「有限公司」，他說：「我媽媽係泰國人，每年我哋都會返去泰國一次，我都好鍾意陽光與海灘，覺得泰國係一個好舒服嘅地方。（咁你識唔識講？）都OK，不過全部都係有關食物嘅泰文，因為要搵好嘢食，多數唔近旅遊區，識泰文着數啲。（咁寫呢？）寫同睇我都唔識。」

中泰混血兒的安俊豪自爆泰文程度只是「有限公司」。

而在媽媽耳濡目染下，Simon亦能夠煮得一手泰國菜，他說：「我媽咪之前係開餐館嘅，所以我細個都有跟佢煮吓嘢，金邊粉嗰啲我都冇問題。（上網教人泰文同泰國菜？）我都有諗過吓，要再計劃一下先。」

場地：PT Pro

服裝：TOUGH Jeansmith