藝人張啟樂（Ben）於圈中浮沉多年，原以歌手身份出道的他近日與好友姜皓文（黑仔）齊齊合唱派台歌曲《巧鬆啲》（好兄弟）一圓歌手夢，為新歌作曲、填詞連監導一手包辦的Ben問到為何會找來黑仔合唱，他表示看中黑仔人氣勁，起到宣傳效果，並大讚對方唱功了得！

張啟樂（左）大讚姜皓文唱功了得！

張啟樂（右）與姜皓文合唱派台歌曲，一圓歌手夢。

二人從亞視認識至今已逾十年，期間從未吵架，惟黑仔大爆早前兩人為歌曲拍攝MV期間發生段「小插曲」：「佢成日都好緊張，所以拍MV嗰陣就……（有拗撬？）唔係拗撬，係大聲咗少少咁講咗句『你咪咁緊張啦！x！』後尾覺得自己大聲咗，之後就收番細個聲量拍吓佢，叫佢放鬆啲！」談起MV，二人更不忘感謝江美儀、黃浩然及吳浩康等多位幫忙客串的圈中好友，並笑言他們的報酬只得一包紙包飲品，還要綵排兩個小時。