男人都要化妝!藝人張明偉早前化身韓國型男G-Dragon(GD)而紅到上台灣,他與大家分享化韓妝之道,原來只要畫個眼線,再加深眉毛,即時化身Chok爆韓仔!

張明偉化身G-Dragon,不但受網民熱捧,更紅到台灣。

化了韓妝的張明偉,Chok爆變韓仔!

張明偉教畫眼線,是韓妝精髓所在。

G-Dragon

藝人張明偉在無綫劇集《實習天使》中飾演厭食歌手「韓志龍」,憑不俗歌藝贏得不少掌聲。而他早前更將角色跳到現實,化身韓國型男G-Dragon,二次創作其MV《Crooked》,不但成為網民熱話,被熱捧成「神同步」,更紅到台灣,被當地傳媒相繼報道!而張明偉化韓妝化上癮,更向大家分享化韓妝心得,即時化身Chok爆韓仔!

重點畫眼線

張明偉的化妝品不多,一支眉筆、一支眼線筆,頂多再加幾支棉花棒。他頭頭是道的說:「好似我對眼咁,比較分開,所以喺眼窩位要花多少少工夫,再畫番個內外線,睇起上嚟隻眼立體啲。」至於在眉毛上,他的眉尾較散,會用眉筆補色,他說:「假如畫錯咗,就要用棉花棒Re-do。」最後他整個人即時精神爽利,炯炯有神,他自信滿滿地說:「新眼線係韓妝嘅精髓,咪以為男仔畫眼線好似好怪咁,但其實化完妝後成個人都精神好多!」

挑戰韓文歌

至於早前他在節目《J2靚聲王》上現場跳唱《Crooked》,他笑言最大挑戰是要背韓文歌詞:「我原本唔識韓文,今次我仲要Rap,要唱得快到似急口令,每日死背爛背嘅韓文拼音!」

文:張敏妍

攝:黎志輝

場地:Partyland