資深歌手莫旭秋(Joe)正為3月舉行的演唱會積極綵排,他表示過往都以國語歌曲為主,所以今次特別搞搞新意思加入廣東歌,更嘗試挑戰粵曲,直言有難度:「唱法好唔同,以前都係玩吓唱兩嘴,但今次搵咗老師認真學。」他還透露邀請到許秋怡、王美蘭及區靄玲等唱得之人擔任嘉賓,屆時會唱出不同的經典合唱歌。提到早前有香港歌手以廣東歌參加內地歌唱比賽,Joe都有留意,覺得應該在內地提倡廣東歌:「香港嘅方言係講廣東話,去到內地唱番自己方言嘅歌曲沒有問題!」

莫旭秋忙於綵排演唱會,挑戰難度。

Joe在樂壇打滾多年,他坦言好欣賞新一輩歌手對音樂的熱誠:「佢哋好有個人風格,不過我哋以前唱歌就冇咁多機會,練歌辛苦好多。不過同時非常反對用自動調音,自己唱歌多年都未試過用,有瑕疵就寧願由頭唱過。」