歌手丁悅自去年加入樂壇後有派開工利是，她笑說：「趁我仲有資格逗利是，我都努力逗，幫補吓嘛！」講到新一年可祈求桃花運大開？她說：「呢個畀公司知道唔得掂！（公司勒令唔准拍拖？）咁又冇，但相信冇老闆會鍾意員工掛住拍拖工作分心。」原來阿丁自從入娛樂圈後便沒有拍拖，正值花樣年華豈不Dry爆？阿丁說：「唔緊要，我仲好細個啫！姻緣嘅嘢唔會特登去求，反而犯太歲就會去拜神，祈求新一年一切順利平安。」

丁悅祈求新一年事事順利！

阿丁是「易肥型」，但賀年糕點下未見身形暴脹，她說：「上年過完年之後真係肥咗唔少，食到成個蘿蔔身形，今年唔敢啦！」為Keep Fit，阿丁勤於跳舞，每星期跳幾天，每次三、四小時，希望能練到最理想的身段！