女星傅穎近年積極北上發展，雖然去年事業崎嶇，製作人曾捲款失蹤，令拍攝中的電影被迫腰斬，工作受阻，但愛情路上卻有得着，已覓到真愛的她，自爆兩人Sweet到讓朋友大呼頂唔順！

有愛情滋潤的傅穎，梗係Sweet啦！

轉戰內地的傅穎，希望事業更順利！

因工作關係，傅穎未能與男友慶祝情人節。

近年轉戰內地的傅穎，剛與內地新經理人公司簽約，感情上也有着落的她，似乎新一年有個好開始！傅穎形容去年事業屬於比較崎嶇一年：「唔知犯太歲定逆太歲，發生咗好多好少可嘅問題，試過拍拍吓一部電影，製作人捲款走咗，成個劇組搵佢唔到，最終要報警處理，因為內地比較多呢啲情況，最後不了了之，腰斬咗套戲。（收咗錢未？）只係收咗頭期，之前投放咗好多心力，又排舞，好多呢啲問題發生。」

諗頭多多望瓣瓣掂

除了工作上不順利，傅穎表示健康方面都不是太好：「我唔知關唔關犯太歲事，淨係希望2016年事事順利。（舊年最順利咪搵到男友囉？）都可以咁講，佢會同我講可能2015年最大得着就係識咗佢。（今年希望愛情事業兩如意？）係！今年好多諗法，希望每一樣嘢都可以實行到。傅穎與男友的戀情剛萌芽，問到兩人最感動的一件事？她說：「一齊就已經好Sweet啦！基本上如果我同佢喺一齊嘅情況下，我哋啲朋友都話頂唔順。」

冇慶祝首個情人節

今年情人節乃傅穎與男友共度的第一個浪漫佳節，但她要開工不能慶祝，她笑言小時候好重視情人節，試過親手煮粉絲釀節瓜給喜歡的男仔食，更獲對方大讚她賢慧，當年也試過情人節搞新碟發布會，收過一束999朵玫瑰花，她說：「係匿名，但啲粉絲話係一個做生意嘅男粉絲送，但佢冇任何表示，咩樣都唔知。」傅穎坦言本身不重物質，反而喜歡有心思的禮物。

文：音樂組

髮型：Jerry Liu

場地：海港城