黃德斌一直夢想揸電單車飛馳，但因家人反對，直到早前拍劇需要才正式考牌。拍攝劇集《鐵馬戰車》後，黃德斌坦言勾起鐵騎癮，不過能否如願要先過女友一關：「都要同女友、屋企人商量吓先。」

黃德斌坐上電單車擺甫士，十分有型！

黃德斌能否如願買電單車，要問過女友及家人先。

黃德斌在無綫劇集《鐵馬戰車》飾演交通警，劇中大部分電單車戲要親身上陣。不過，自小夢想駕駛電單車飛馳的他卻是最近為方便拍劇才考牌：「想揸電單車好多年，但知道屋企人唔畀，因為爸爸做警察試過炒車，媽咪一路都擔心，自己後生又好野性，一上車實會揸得好快，所以冇去考牌。之前拍《愛．回家》的起心肝順理成章去考牌，有得揸電車都好開心。」拍《鐵》劇後，他勾起電單車癮，希望買電單車，但能否如願要先過女友一關：「要同女友、屋企人商量吓先，始終揸電單車都係危險。」

玩另類稱「神」

早前黃德斌孭飛的無綫劇集《刀下留人》被網友封為神劇，《鐵》劇收視也保持水準，另類味道為觀眾帶來新鮮感，他笑說：「可能我個人都係另類，收視、口碑好當然開心，對用我嘅人有交代，自己安樂晒！拍劇當然想做好啲，證明畀搵你拍嘅人冇搵錯我。」他覺得現時公司氣氛是有誠意拍好劇給觀眾欣賞，思維及方向也希望帶給觀眾新鮮感：「我哋都想觀眾睇得過癮。」

又鬧又讚蔡思貝

有型有款的黃德斌自然令人聯想起紀律部隊「制服誘惑」，但原來今次是他首次着制服拍攝，劇中飾演與他相似的嚴謹警察，劇中鬧爆蔡思貝，不過劇外卻大讚蔡思貝聰明，是可造之材，只要專心多觀察會有更好的發展。新劇有別以往無綫劇集，帶點另類味道，袁偉豪的漫畫化角色與黃德斌的嚴肅角色形成強烈對比，他說：「當初有同監製傾過可唔可以做到嚴謹得嚟又唔成日乸住口面，但監製都係選擇咗依家咁演繹，可能要同袁偉豪有個對比。角色都似自己有啲嘢會執着，好似自己對演戲會好嚴謹，希望可以演出真實感，等觀眾睇得舒服、認同，雖然係演戲，但都想做到好真。」

採：影視組　

攝：唐豁莊

鳴謝：Ducati Hong Kong