舞台劇出身的女藝人賴慰玲（Winki）近年轉戰電視圈，去年參演多套無綫劇集，每套都甚有發揮機會，她說：「依家係播種期，冇一日係早過半夜三點瞓，但好開心每個角色都好有發揮！」

賴慰玲想演更多不同類型的角色。

在《殭》中，她飾演染紅髮的迷信女仔，《純熟意外》中飾演嚴肅Madam，個性較成熟，《財神駕到》的角色則比較佻皮，經常呃人又想嫁入豪門，問到還想演甚麼角色？她說：「我平時大情大性，都想發掘吓有女人味呢一面。（要勾引人同性感？）睇吓監製覺得我有冇說服力，勾引人有好多方法演嘅，性感就難啲，要啲『外在嘢』幫吓手！」