中印混血兒蔡宛珊（Sarika）本為全職司儀，日前獲邀加盟由Bob（林盛斌）有份做老闆的娛樂公司，成為「阿Bob師妹」。她自爆於Bob的「男神時期」邂逅對方：「當時一齊拍啤酒廣告，佢係啤酒男神，我係啤酒女郎。佢都係o靚模，好o靚嘅時候識嘅，佢未做DJ！之後不斷合作做司儀，佢啲急才好犀利！（畀佢搞到笑場？）唔會，但佢成日都問我奇怪問題，就咁產生咗好多新Idea！」

蔡宛珊曬得一身小麥色肌膚，健康性感。

最愛曬黑的Sarika擁性感小麥色肌膚，渴望主持野外求生節目：「我一白番就去曬，曬黑啲望落瘦啲！（想做司儀以外工作？）超想主持旅遊節目，想去南非叢林等艱苦嘅地方。（唔怕蚊叮蟲咬？）唔介意，鍾意接觸大自然同動物！」密密接Job的Sarika原來早已名花有主，但未計劃造人，決心闖事業高峰：「我結咗婚幾年都好Sweet，我同另一半都好忙，未計劃生小朋友，做嘢先！」

化妝：Wi!Make up

場地：Chessman HK Office