剛榮升人妻的王菀之昨日出席活動時表示，今年首次以太太身份派利是：「好幸福！同老公一齊封利是好開心！新年我煮咗好多嘢食，最勁係煮花膠蠔豉炆冬菇，老公話好食！」她又冧爆大讚老公：「好感激年初一佢去咗我屋企先，費事我爹哋媽咪等，好尊重我，所以我要學做一個好太太。奶奶整咗好多嘢畀我食，教我整好多拿手菜式。（食到你肥咗？）係，過肥年係好，依家要投入番工作，要做運動。（幾時造人？）唔知，奶奶冇催。（Ready未？）我嘅心態一時時，老公唔心急，我哋隨緣去發生。（趕今年生猴B？）冇咁諗過，咩生肖都冇所謂。（不設防？）嘩！梗係唔會答，呢啲咁秘密。（你上圍升咗級，個肚又脹脹哋，會唔會有咗？）唔會呀！純粹係年糕同蘿蔔糕嚟啫！」

王菀之解釋因食年糕和蘿蔔糕致肥，並冇懷孕！