香港國際毛皮時裝展覽的重頭節目《皮草之夜2016》昨晚在灣仔舉行，蔡思貝、陳靜和陳嘉桓均穿低胸晚裝鬥性感，夾擊密實的陳凱琳。陳嘉桓整理下滑的外披皮草時，身體不停扭動，令豐滿上圍跌蕩！面對如此強勁對手，蔡思貝惟有出口術，自爆駕車出席活動途中壞車，穿低胸晚裝的她要烏身整車：「晚裝外加件大褸喺路上面整車，結果整唔到，要搭的士，都幾戲劇性，冇男士幫手！（Call男友幫你？）冇，我第一時間Call我經理人，話佢知我搭的士。」又稱下月底飛新西蘭拍節目。

陳嘉桓整理皮草時，令上圍變洶湧！

陳靜

蔡思貝

陳凱琳

王大業

而早前表示封胸的陳靜，對於再度性感，她否認封胸之說：「唔會話收定放，都要搵食。」下月27歲生日的她恨拍拖，希望今年識到男友，而家人已為她相親，她不介意相睇，但不想再次譜異地戀。

穿紅色Tube Dress的陳凱琳否認被男友鄭嘉穎禁性感。對於有傳朱千雪被她搶工作而讀書轉行？陳凱琳說：「同佢係朋友，知道佢讀書都好支持佢，鼓勵佢讀鍾意嘅科目，每樣嘢都有時間，睇佢之後喺邊方面發展啦！（你工作多咗？）唔清楚，每個藝人都有自己工作安排，唔會有乜衝突。」