張雨綺於米蘭時間本月24日出席當地舉行的Gucci秋冬2016女裝，提到主演的電影《美人魚》票房大收，她坦言很期待再跟周星馳合作：「希望美人魚咁好嘅故事可以拍下去。（你打扮密實同性感美人魚很大分別？）今日唔性感咩？我着嘅係男裝。戲內同現實嘅我好唔同，戲中我係女人，平時我係男人。」翌日她出席Max Mara 2016秋冬騷時，再被問到在《美人魚》最初試裝的造型甚保守，後來才變性感是誰主意？她說：「周星馳，造型師之後才改良。」

張雨綺想看多幾場時裝騷及參觀博物館。

小S以復古Look襯眼鏡睇騷。

而首次欣賞米蘭時裝騷的台星徐熙娣（小S）對於當日的復古造型，她說：「入場時好多外國傳媒見到我都問『Who is that girl？』，我覺得戴咗眼鏡最加分。」

同場的形象設計師郭慶彬透露因場外人太多，險被偷去財物：「有人喺我身上掂我、摸我，望一望發現個袋畀人開咗一半，手機同銀包都畀人拉咗半出嚟！我發現時隻手已經縮開咗。」