無綫處境劇《愛．回家》昨日拍攝煞科戲，「馬家」的蔣家旻與李豪；「倫家」的龔嘉欣與張振朗齊擺喜酒。近日發燒的龔嘉欣昨日才出院即趕拍煞科戲，她說：「打咗十支針，吊咗兩包鹽水，依家退咗燒！」

龔嘉欣與張振朗、蔣家旻和李豪兩對新人一齊擺喜酒。

姊妹團陣容鼎盛。

馬家總動員齊賀「子妮」蔣家旻出嫁。

龔嘉欣、張振朗、蔣家旻、劉丹和郭少芸等近百《愛．回家》演員昨日在將軍澳電視城拍煞科戲。「馬家」的蔣家旻與李豪、「倫家」的龔嘉欣和張振朗齊齊擺喜酒。橫跨新舊《愛．回家》先後演過兩個角色的龔嘉欣穿婚紗，受訪時眼濕濕大感不捨：「套劇拍咗兩年，好唔捨得屋企人、朋友，呢排睇劇本都眼濕濕，着住婚紗好似大家陪住我結婚咁。」

蔣家旻睇劇本想喊

原來龔嘉欣發燒病足一星期，前日更入了醫院，昨日出院即趕拍煞科戲，她說：「病咗一個禮拜，醫生話我太攰，尋日打咗十支針，抗生素、消炎、仲吊咗兩包鹽水，同醫生講都要趕返嚟拍婚宴戲，依家退咗燒，七年嚟只係今朝冧咗半日廠。」蔣家旻指拍攝四年來由大學生演到出嫁，感覺觀眾看着她成長，近期收到劇本也想喊，心情複雜。

而劉丹對煞科表示難捨，人生有幾多個四年。談及難忘事，郭少芸笑說：「最難忘係丹爺個孫女出世，嗰排佢春風滿面，個口好似流出蜜糖咁，戲裏面個孫女蔣家旻即刻變咗A貨。」劉丹笑說：「當時諗自己個孫女幾時先會咁大個呢？」郭少芸認為馬家回歸《愛．回家》可謂有始有終，為劇集畫上句號。

黃翠如最初擔心沒機會拍煞科戲，有份參與見證已是好好的結局，雖有一段時間冇拍，但經常在家捧《愛．回家》場：「之前拍咗場歌舞戲，未見過有咁多戲員一齊拍，場面好震撼，好開心！好感受到屋企人感覺。」

文、攝：影視組