歌手張紋嘉(Crystal)與張惠雅(Regen)及鍾健威( Ray)結伴到尖沙咀買3月1日的億元金多寶六合彩,Crystal說:「有堪輿學家話尖沙咀係財位,仲話着紅衫催運,我梗係着啦!」Regen更被朋友的相士爸爸指今年有橫財,所以Ray即孖實兩人一齊買,Crystal買了50元,Regen則與朋友夾60元,最闊綽的Ray則買了140元。三人異口齊聲表示若中了1億元會與家人分享,Crystal笑說:「遲啲去紐約進修,中咗就唔返嚟,唔使做啦!」Regen則會每月花錢做一首歌及拍MV:「好似Juno(麥浚龍)幾有型!」而Ray會將彩金分一半給家人,也會告知女友黃美棋:「最緊要買樓,然後先諗結婚生仔!」

一聽聞尖沙咀係財位,Crystal(左起)、Ray和Regen即刻飛奔去落注!

何浩文中咗獎都諗住留喺娛樂圈大展拳腳。

憑《鴨王》上位的何浩文則笑言會第一時間通知何佩瑜讓她妒忌一番!他表示會用彩金將旗下生意「發大嚟搞」:「擲1,000萬整一首歌連MV,香港好似未試過!然後攞5,000萬畀父母歎世界,剩低嘅起碼捐2,000萬,成立基金幫啲基層。」