一億橫財夢引發全城瘋狂，連視后佘詩曼、陳瀅和蔡思貝都紛紛諗定一億橫財點使，認真大想頭！佘詩曼計劃用一億來與眾同樂：「如果我中咗一億，我會用嚟起學校！我一直以嚟都好享受畀人『校長！校長！』咁叫，中咗可以達成夢想！」

偉大的阿佘打算圓夢起學校作育英才。

蔡思貝中咗會即刻Call地產經紀，買磚頭最實際！

蜜運中的陳瀅則透露會與心愛的人共享一億，莫非是男友何猷亨？她說：「我會攞部分彩金同婆婆環遊世界，然後再成立幫助動物嘅組織，因為睇新聞知道有啲地方有狗肉節，覺得好殘忍，希望諗啲方法廢除！」蔡思貝的想法則相當「貼地」，與不少港人接軌！她毫不掩飾地說：「我中咗嘅話就淨係打畀地產經紀！」趁低入貨，人之常情！而早前演沙僧飽歷煎熬的羅仲謙亦說：「我中咗會將一億分三份，一份攞去置業，另一份放銀行收息，第三份攞嚟吃喝玩樂！我想買跑車、衫褲鞋襪！」