中六合彩頭獎是不少香港人夢寐以求改善生活的捷徑，想像中獎的張繼聰揚言會畀晒老婆謝安琪（Kay），並「慈父」上身，打算隱瞞事實免阿仔變富二代！而比起買車買樓，雨僑更想反枱鬧人：「去死啦你！我大把錢呀！」

張繼聰笑言若中獎會喺囝囝面前扮窮，免得佢變成二世祖！

張繼聰和Kay錫張瞻錫到燶，但仍然會教佢正確理財。

「藝」力有番咁上下的雨僑最想開畫室搞藝術。

中咗做咩好？李佳芯（圖）同翠如BB齊聲表示要潛水避世！

黃翠如

為慶祝六合彩40周年，馬會決定將3月1日當晚的六合彩金多寶彩金設定為1億，創下歷來金多寶攪珠獎金最高紀錄，令不少香港人垂涎彩金為之瘋狂！可觀的彩金無疑能幫助中獎者改善生活，一眾圈中人如雨僑、張繼聰、黃翠如及李佳芯紛紛妙想天開想像一注中頭獎實現夢想。

雨僑有錢大晒鬧仇人

最近着力保持健碩身形的張繼聰亦非常知足，想像中獎後打算撥三分一或三分二成立基金：「Keep Fit緊，食到有汁嘅飯已經好開心，其餘畀晒老婆。」如此識做，Kay肯定非常開心！但原來除了老婆，張繼聰也為囝囝張瞻設想周到：「一定唔會畀阿仔知，因為呢個係一個好好嘅因素培育富二代，我怕佢變富二代。」中獎都諗埋教仔，果然廿四孝！而雨僑最希望為自己出一口氣，以財力顯霸氣：「平時有啲我想鬧好耐嘅人，我就可以反枱，同佢講『去死啦你！我大把錢呀！』」不過她依然希望一嘗「倒錢落海」搞藝術：「我會買車、買樓、環遊世界咁，我好想開畫室，同埋買好多樂器練吓，一啲唔係生財嘅嘢，明知倒錢落海嗰種。」

李佳芯黃翠如「潛水」

而李佳芯則用以小博大的心態諗中獎，她坦言用10元買6個字就夠：「有運嘅話唔使買咁多，我中咗獎就會突然消失，大家會見我唔到！」想消失的又何止佳芯？黃翠如的消失方法才算豪華，更拖埋家人落水：「中咗會即刻會買潛艇，同家人『潛水』一排！」

文：影視組