韓君婷鼻骨八月做手術

前亞視藝人筱靖昨日出席Angus’Beauty Concept旗下品牌Concentric成立典禮，她表示平日會做美容機及打水光針，但堅拒整容變「V煞面」，她說：「淨係加高或整尖冇用，要成個輪廓出到嚟先得，所以做機更有用！」對於亞視獲司榮彬注資三億「打救」，她寸爆說：「我唔信，舊公司對我嚟講好似連續劇。（建議員工去定留？）快啲走！唔係話冇義氣，但班老臣子都冇晒信心。」同場的韓君婷以低胸背心裙大拋事業線，提到早前因意外傷鼻骨，她透露醫生建議六至八個月後才做手術。