黎淑賢昨日偕老公許智政出席Angus’Beauty Concept旗下品牌Concentric成立典禮，好友袁嘉敏性感到賀。許智政透露「瞓身」投資逾八位數，擴展美容業務！

黎淑賢偕老公出席成立典禮，並自願做白老鼠。

袁嘉敏及童愛玲等亮相Concentric成立典禮，支持好姊妹黎淑賢。

袁嘉敏身穿Deep V連身裙性感到賀，令成立典禮生色不少。

黎淑賢（Bonnie）昨日出席老公許智政創辦之Angus’Beauty Concept旗下品牌Concentric成立典禮，一眾好友包括袁嘉敏、童愛玲及郭可盈胞弟郭可頌等現身支持更一同進行剪綵及祝酒儀式，場面熱鬧。

做白老鼠試用

許智政受訪時透露單是儀器已投資八位數：「今次瞓身喇，當擴展囉！」並指特意開設醫學平台聚集一眾醫生，加強業界服務，他說：「希望集合多啲醫生工作，好似雪球咁愈滾愈大，多啲醫生做就可以賺多啲錢，咁就可以買多啲儀器令醫生多啲嘢用。」

太太黎淑賢雖然平日湊仔多，甚少理會公司業務，但她笑言願意做老公的白老鼠：「我會幫佢試新產品，試過先安心畀客人用。（有咩地方想改善？）相信女人唔會嫌自己太靚，所以會不斷進步，我仲有進步空間，希望發明啲產品令人永遠唔會老，雖然冇乜可能，但都希望延遲啲。」許智政則大讚太太「天生咁靚」毋須改善，黎淑賢亦指老公太完美，對他沒有不滿的地方。

好姊妹請護膚

另外，穿Deep V裙晒D Cup的袁嘉敏非常性感，她表示不時獲Bonnie邀請做護膚療程。問到可接受醫學美容的打針療程？她說：「應該唔會，依家主力做演員，面部表情好重要，所以暫時只做Facial。」又自覺鼻子夠高，未有考慮整容。

文：影視組