鍾嘉欣撰寫公開信親證已婚，不忘多謝好姊妹李亞男、岑麗香、王君馨及苟芸慧事前沒有將其戀情對外透露一言半語。

對此，李亞男說：「替嘉欣感恩佢搵到生命至愛，祝佢哋幸福快樂，永結同心。會去加拿大做姊妹，好期待同佢哋分享呢個大日子。」又指嘉欣拍拖後即認真學廚。苟芸慧說：「姊妹結婚點唔開心？溫哥華見啦！」而岑麗香笑說：「守呢個秘密守得好辛苦，連屋企人都唔可以講。未見過佢老公，只係透過嘉欣電話同佢傾過偈，最緊要佢錫我好姊妹啫！」

至於另一好友李思欣表示收到消息感意外：「戥佢開心。（話佢有咗？）仲快過我？佢不嬲都鍾意小朋友。」而與嘉欣以兄妹相稱的馬浚偉說：「梗係戥佢開心，本來佢有叫我去婚宴，不過我拍緊嘢去唔到。之前同佢兩老婆食過飯，希望佢一直幸福。」王祖藍則說：「老婆（李亞男）連我都冇講，嘉欣拍拖拍到尾聲我先知。Jeremy好有紳士風度，亦係虔誠基督徒，嘉欣講到個男仔好好！」而多次與嘉欣合演劇集的蕭正楠對其婚訊感突然：「冇諗過咁快，恭喜佢搵到真命天子。」