羅子喬隻身來港發展，雖然曾被父母反對，但仍堅持夢想！
藝人羅子喬自年初發生合約糾紛後，近日正式簽約新公司，花了不少時間，終找到理念一致的新經理人，令一度失去信心的她，再次燃點新希望！從小在澳門長大的她，獨自來港勇闖娛圈，難免面對家中反對聲音，但成為「超人之母」亞洲區代言人後，終令雙親放下心頭大石！
羅子喬忘記過去，重新出發，希望在娛樂圈大展拳腳！
拍過三次拖的羅子喬，似乎對戀愛的憧憬不大。
文：湯紫媚
攝：劉智源
羅子喬（Bella）自去年3月初與前經理人施念慈發生合約糾紛後，近日正式簽約新公司，除了繼續為「超人之母」擔任亞洲區代言人外，未來將積極向日本及台灣方面發展！她坦言早前獨自面對各種紛紛擾擾，心裏產生了不少陰影，故今次由洽談到正式簽約新公司，都花了不少時間考慮，幸好與新公司無論想法及方向都一致：「公司指標係所有工作都要好正面，好啱自己，自己亦都好鍾意喺呢種環境下工作，簽約前諗咗好耐，起碼考慮咗大半年先正式決定。」
患難後見真情
Bella亦忍不住大讚新經理人投放了不少心機及資源在其身上，令一度對娛樂圈工作失去信心的她，再次燃點新希望：「之前發生一啲事（合約糾紛），雖然好困難，但公司都冇放棄我，仲畀好多支持我，同對我非常之有信心，經歷過呢啲嘢之後，真係患難見真情，以後嘅工作都會好放心交畀公司去處理，經理人陸續會幫我接好多工作。」
從小在澳門長大的Bella，生長在傳統家庭，隻身來港闖娛圈，父母難免反對：「同家人關係一直都好好，但知道家人希望我可以結婚，唔想我繼續喺娛樂圈發展，因為覺得人事好複雜。但佢哋都好信任我，信我會識諗，亦有畀空間我去自由發展，但始終父母擔心一定有，不過我做咩決定，佢哋一定支持！今次簽咗新公司，睇到我『超人之母』項目好正能量，終於有一個交代，加上佢哋都認識我新經理人，所以好放心。」
貓咪撫慰心靈
Bella回想入行之初，是嫩模寫真最為火紅的時期，本來一心希望向電影圈發展，卻被安排成為如倒模一般的嫩模，不適應也在所難免：「因為我覺得唔會夠班同佢哋去鬥，個個愈脫愈露就代表好，自己性格根本唔適合，當時有一段時間離開咗呢行冇做，因為唔鍾意呢樣嘢！而轉公司期間，真係完全冇嘢可以做，更加失去咗方向，唔知應唔應該繼續堅持，特別難去度過！」
幸好家中有心靈小導師一直陪伴，她說：「嚟香港獨居時養咗一隻貓貓，係女仔嚟，一路陪伴我嘅喜與樂，其實我不嬲鍾意小動物，之前澳門屋企都有養狗！不過最近要搵人收留佢，因為之後工作要周圍走，我唔想我隻貓去唔同人屋企湊，直情諗住畀人養，但一定要搵個好人家！」
工作第一 戀愛第二
在整個訪問過程中，Bella只要一提到工作便會滔滔不絕，但現年28歲的她，當說到感情事卻似毫不重視，看來現階段她只想將重心放在工作上！而她亦淡然表示曾拍過三次拖，但每段戀情也不超過三年，初戀男友是中學同學，雙方因在工作上的看法有出入而分手收場！
