視帝黃秋生將客串演出無綫緊接《愛．回家》推出的新處境劇《八時入席》，與好戲之人毛舜筠鬥戲，身在外地的秋生說：「會拍兩集玩吓啦，角色幾得意，但詳情唔講，今次幫朋友。（你指無綫幕後邵麗瓊？）我同佢以心相交，以誠相結！依家乜都未搞，冇人有時間搞，係基本接觸過，點咗頭，但時間、劇本、幾時拍，全部未知，等我忙完手上啲嘢返香港先搞。」

秋生將客串演出，與毛毛鬥戲。

被問到是否與毛舜筠對手戲最多？秋生說：「毛毛好呀，合作過好熟，詳情係點真係未知。（劇酬可觀？）我又唔係咩巨星，呢啲到時先算啦！」