無綫處境劇《愛．回家》昨日拍攝龔嘉欣與蔣家旻，分別嫁予張振朗及李豪的煞科戲，劇中演員傾巢而出，無綫出動老爺車和4部電單車，另加航拍機，大堆頭炮製《愛》劇結局。 文：影視組

家旻「嫁」李豪？原來係拍《愛．回家》大結局。

「馬家」傾巢而出送
「馬子妮」出嫁。

龔嘉欣笑言要追加與張振朗的咀戲。

張振朗接新娘時遭潑水，他即出手為龔嘉欣遮擋。

無綫處境劇《愛．回家》播了近4年，昨日拍攝大結局戲份，交代「利樂兒」龔嘉欣及「馬子妮」蔣家旻分別嫁予張振朗及李豪，劇中一眾主要演員傾巢而出，到中環、觀塘等地拍攝，無綫更出動老爺車和4部電單車由劉丹和徐榮等送家旻出閣，又出動航拍機捕捉鳥瞰鏡頭！

男友讚裙褂Look靚

家旻以裙褂Look現身觀塘，她說：「我第一次着裙褂，但唔會有結婚衝動，以前想25歲結婚，依家順其自然。（男友想結婚？）唔知喎，你問佢，我哋專注工作先，都唔諗咁長遠，唔想畀太大壓力，不過佢睇咗我裙褂Look都有讚靚。」黎諾懿則感慨時光飛逝：「個劇拍咗4年幾，徐榮都生埋女。（幾時到你？）努力中，老婆想生但知我忙。」

龔嘉欣追加Kiss戲

另一邊廂，卜帽Look張振朗以大紅花轎到中環接穿裙褂的龔嘉欣，人氣王吳業坤則穿上唐裝「陪嫁」，吸引大批市民圍觀，期間眾星在簷篷下休息，樓上有人倒水，雖然張振朗已出手遮擋，但嘉欣仍被淋濕。事後有警員到場了解情況，有指街坊不滿劇組阻街，但警員未有採取行動。

嘉欣與振朗因此劇傳出緋聞，鏡頭外亦互相為對方整理戲服，嘉欣說：「對我嚟講結婚好遙遠，要藉拍劇感受吓，我會自己加Kiss戲。（張振朗女友批准？）佢依家單身。」張振朗則說：「Kiss睇情況。（女友陳芷尤唔畀？）依家工作至上。」