天王郭富城、歌手楊千嬅與老公丁子高、陳奕迅與太太徐濠縈、名模琦琦與老公任達華等，昨晚齊集澳門新濠影滙綜藝館，在私人包廂睇騷的城城被問到身為舞台王者的他，要面對另一舞台王者（指麥當娜）？他即笑說：「唔好咁講，我聽佢嘅音樂成長，好欣賞佢，有睇番佢以前嘅MV同DVD，從中搵靈感畀自己嘅演唱會。」將於8月開騷的他，專程偕跳舞老師及夥伴前來取經，希望屆時可帶新刺激給粉絲。

阿Sa和古巨基首次看麥當娜個唱。

千嬅則表示娜姐陪伴自己成長，早前個唱工作辛苦時，亦播她的歌來振奮自己：「學習佢嘅意志。（學唔到佢嘅性感？）性感唔到咪練胸肌，將呢份意志放喺肌肉上。」又稱希望與娜姐握手。而琦琦與任達華笑言飛甩寶貝女，住一晚過兩人世界。蔡卓妍（阿Sa）與古巨基則首次捧麥當娜場，問到是否想接花球？阿Sa說：「難少少，因為有好多粉絲！」而名媛薛芷倫與台灣女星吳辰君也有睇騷。