豪擲50萬元包下私人廂房欣賞演唱會的劉嘉玲，昨午與星級髮型師好友Kim Robinson乘直升機往澳門，晚上換上銀色閃片衫、皮褸配短裙現身新濠影滙綜藝館，並在麥當娜的巨型海報前作狀獻吻，她表示打扮靈感來自娜姐歌曲《Like A Virgin》：「對個演唱會期待已久，我託咗朋友搜羅紀念品。」她稱此行是想感受現場氣氛，對娜姐的花球興趣不大，而老公梁朝偉因工作未能同行，她請了鄧永鏘爵士及時尚大亨曹其峰齊齊睇騷。

劉嘉玲包下新濠影滙綜藝館私人貴賓廂房，與朋友一同欣賞演唱會。

鍾麗緹偕男友張倫碩

劉嘉玲與郭富城、任達華夫婦及友人齊合照。

劉嘉玲、鄧永鏘（右）及曹其峰齊齊在包廂睇騷。

對於有傳謝霆鋒三度向王菲求婚被拒，嘉玲直言不相信，但指兩人十分相愛：「好少見佢哋，佢哋要拍拖，所以匿埋。（期待佢哋步入教堂？）冇所謂，佢哋都結過婚，亦有小朋友，最緊要開心，我So Jealous（好妒忌），佢哋望住大家對眼會發光。（你同偉仔呢？）我哋冇咗嗰種熾熱，已經昇華咗。」

同場的性感女神鍾麗緹偕男友張倫碩到場，她說：「我14歲開始鍾意佢，佢嗰首《Like A Virgin》，我都有學過佢嘅造型，覺得佢好犀利。」並笑言若娜姐請她上台，她定會暈倒：「如果有機會摸到佢隻手，我一定唔洗手。」又指即使見到前度郭富城亦不會尷尬。