女子組合B.Gs的新成員霍柔心（Riley）平日影相最喜歡扮鬼臉，她表示與隊友影相時會選用連拍模式，每張照片都會做出不同的表情和動作：「例如嘟嘴、伸脷，每張相都唔同主題。」

Riley最擅長做鬥雞眼扮鬼臉，經常引得隊友發笑。

嘟嘴扮無辜或賣萌，對Riley來說絕無難度。

講到招牌鬼臉，Riley笑言最常做伸脷和鬥雞眼：「我做鬥雞眼都叻嘅，我啲隊友個個都知，次次見到我鬥雞眼嘅相都會笑我。」問到可會有偶像包袱？她說：「搞笑嘅話都得嘅，如果醜到太誇張我就未試過，影都冇問題嘅，可能影完出嚟啲人都唔會認得係我。」