《公公出宮》一眾演員出席祝捷活動，收視高得就連身在美國的黎耀祥都開心表示要搞滿漢全席，眾人亦乘機向蕭正楠及胡定欣催婚，阿廉更爆肚笑指怕定欣個肚等唔到！

君馨（左）與定欣搭晒膊頭，力證冇不和！

《公公出宮》平均收視高達33點，一眾演員即約埋食飯慶功。

陳國邦（左起）、蕭正楠及曹永廉搣唔甩「公公」影子，手挽手姣味極濃！

黎耀祥、曹永廉、胡定欣、蕭正楠及王君馨等主演的無綫劇集《公公出宮》前晚第八集平均收視32點，最高達33點，成為近年半以來第一及第二線劇中的最高收視紀錄（不計大結局）。一眾演員昨日與戲劇部高層曾勵珍於將軍澳出席祝捷會，雖然祥仔身在美國，但昨晨已於微博起哄，他說：「怕且不單阿廉要做低胸裝女侍應，我都要準備一餐滿漢全席！」阿廉亦乘機說：「老蕭，結婚慶祝啦！」連定欣都起哄：「支持！人情我已準備好。」蕭正楠回應：「留番定欣先，情何以堪呀！我好忙，忙拍劇！」在旁的阿廉即搞笑說：「咁就真係要睇吓個肚等唔等得……我話定欣呀！」對於蕭正楠指結婚會讓她先，定欣說：「吓！佢份人情我已經儲定，我睇好佢同佢BB（黃翠如）。」

君馨攬攬碎不和

另外，提到有指定欣與林夏薇聯手杯葛「主動派」王君馨，君馨聞言說：「冇喎！冇畀人蝦。（係咪經常孤伶伶一個？）吓？乜我咁慘咩！我哋都有一齊食飯。（話你要同定欣、夏薇講對唔住破冰？）吓！我呢生人都未試過跪地叩頭。」

文：影視組